भूकम्प पछिको र्निर्माण कार्यलाई सुरक्षति बनाउँने उदेश्यकासाथ दुहवी नगर पालिकाको सभा हलमा मोरङको बुढीगंगा स्थित मनमोहन स्मृति पोलीटेक्निक द्वारा सञ्चालित ब्रिक लेयर मेसन २ तालिमको सिटिइभिटीको प्रमाण पत्र वितरण कार्यक्रम समपन्न भएको छ । विगत १० वर्षदेखी मनमोहन स्मृति पोलीटेक्निकले एसीयाली विकास बैंकको सहयोगमा पूर्वाञ्चलका १६ जिल्लाका बेरोजगारहरुलाइ लक्षित गर्दै २ दर्जन भन्दा बढी सिपमुलक तालिमहरुको आयोजना गर्दे आएको छ । कार्यक्रममा प्रमुख अतिथि दुहवी नगर पालिकाका मेयर बेदनारायण गच्छदारले तालिममा उत्तिण १९ जनालाइ प्रमाण पत्र वितरण गर्नुहुँदै बेरोजगारहरुले सिप सिकेर आत्मनीर्भर हुनुपर्ने र मजदुरहरुले मजदुर कल्याण कारिणि कोष खोल्नुपर्नेमा जोड दिनु भएको थियो । उहाँले नेपाल सरकारको मापदण्ड अनुसार घरहरु निर्माणको लागि सोहि अनुसारले सीप सिकाउनको लागि प्रशिक्षक तथा संस्थालाई सुझाव दिनुभयो, साथै उहाँले अवदेखी सिपमुलक तालिम सिकेर प्रमाण पत्र भएकाहरुलाइ मात्र दुहवी नगर पालिकाको विकास निर्माणको काममा सहभागी गराउँन दुहवी नगर पालिकाका कार्यकारी अधिकृत प्रमोद कुमार चौधरीलाइ निर्देशन समेत दिनु भएको थियो । सभाध्यक्षको रुपमा रहनुभएका मनमोहन स्मृति पोलीटेक्निकका प्रार्चाय सुभाष श्री पोखरेलले तालिम सञ्चालन संगसंगै सामाजिक कार्य गर्न विभिन्न दातृ संस्थाहरुसंग समन्वय गरिरहेको तथा आगामी दिनमा पनि अन्य कार्यक्रमहरु छिट्टै ल्याउने बताउनु भयो । उहाँले मनमोहन स्मृति पोलीटेक्निक र दुहवी नगरपालिकाले एक आपसमा समन्वय गरेर अगाडी बढ्नुकासाथै आवश्यकता र माग हेरी अन्य विधाका तालिमहरु पनि संचालन गर्ने जानकारी गराउनु भयो । कार्यक्रममा स्थानिय ३ महिला डक्रमीलाइ सम्मान गरिएको थियो । लामो समयदेखी भवन निर्माण कार्यमा सहयोग पुर्याएको भन्दै मनमोहन स्मृति पोलीटेक्निकले दोसल्ला ओढाइ उनीहरुलाइ सम्मान गरेको थियो । सम्मानीत हुनेहरुमा स्थानिय राजकुमारी वतरनी, बोघनी कुमारी ऋषीदेव, र कलकत्ती ऋषीदेव रहनु भएको छ । कार्यक्रममा भवन निर्माण व्यवसायी संघका पदाधिकारी, संघ संस्थाका प्रतिनिधि लगायतलाइ मायाँको चीनो प्रदान गरिएको थियो । मनमोहन स्मृति पोलीटेक्निकका तालिम प्रबन्धक इन्जीनीयर सुदिप अधिकारीको संयोजकत्वमा भएको कार्यक्रम उद्घोषण इन्जीनीयर युवराज चोधरीले गर्नु भएको थियो ।

२०७३ माघ १९ गते सरस्वती पूजा तथा सांस्कृतिक कार्यक्रम सम्पन्न गरिएको थियो ।

MMP's annual program Sports Meet for 2073 was conducted successfully. Originally scheduled from Magh 12 to Magh 14, although the final games were played on Magh 17 and certificated the same day. The events included Football, Volleyball, Cricket, Badminton, Athletics and Quiz Contest. Football Event was won by Department of Electrical Engineering. Cricket and Volleyball Events were won by Electronics Department. Quiz Contest was won by Civil Department.

विराटनगरमा पहिलो पटक सञ्चालित कर्पोरेट स्तरको म्याजिक विराट फुटसल कपको उपाधि मनमोहन स्मृति पोलिटेक्निकले जितेको छ । मिति २०७३/०५/११ गते शनिबार साँझमा भएको अत्यन्तै रोमाञ्चक फाइनल खेलमा मकालु टेलिभिजनलाई ५–३ गोल अन्तरले पराजित गर्दै मनमोहनले उपाधि चुमेको हो ।

आवर विराटनगर डट नेट र हिट एण्ड ह्याङ आउट फुटसलको संयुक्त आयोजनामा भएको खेलमा १६ फुटसल टोली सहभागी भएका थिए । अत्यधिक दर्शकहरुबीच भएको रोमाञ्चपूर्ण फाइनल खेलमा मकालु टेलिभिजनले मध्यान्तरसम्म ३–१ गोलले खेलमा दवाब राखेको थियो । तर मध्यान्तरको लगत्तै मनमोहनले प्रतियोगिताको आफूलाई उत्कृष्ट टिम साबित गर्दै उपाधि जित्न सफल भएको हो । मनमोहनका तर्फबाट रञ्जन चौधरी र युवराज चौधरीले २/२ तथा अमित खाँले १ गोल गर्नु भएको थियो ।

नकआउटका अाधारमा खेलाइएको प्रतियोगितामा आफ्नो पहिलो खेलमा मनमोहनले अान्तरिक राजस्व कार्यालय विराटनगरलाई ७-४ गोल अन्तरले पराजित गरेको थियो भने क्वार्टर फाइनल खेलमा सनराइज बैंक सँग ५-५ गोलको बरावरी खेल्दै टाई ब्रेकरमा हराउन सफल भएको थियो । सेमीफाइनलमा भने मनमोहनले मेघा बैंकलाई ५-० गोल अन्तरले सहजै पराजित गरेको थियो ।

प्रतियोगिताका उत्कृष्ट खेलाडी मनमोहनका कप्तान अमित खान भए ।

एन्फाका केन्द्रीय सदस्य तथा फुटसल समितिका अध्यक्ष बसन्तराज अर्यालको प्रमुख आतिथ्यतामा सम्पन्न भएको प्रतियोगिताको समापन समारोहमा एन्फाका केन्द्रीय उपाध्यक्ष सन्तोष बानिया, मुख्य प्रायोजक म्याजिक फुटवेयरका निर्देशक राजेश बगडिया तथा कार्यकारी निर्देशक हरिष पोद्दार, होटल ह्यारिसनका बिनोद दुगड, फिफाका निर्णायक किरण गिरी, हिट एण्ड ह्याङ आउट फुटसलका निर्देशक विनोद अग्रवाल लगायतको उपस्थिति थियो ।
प्रतियोगिताको विजेता टोलीलाई आकर्षक ट्रफीसहित १५ हजार रुपैयाँ , उपविजेतालाई ट्रफीसहित १० हजार र उत्कृष्ट खेल टोलीलाई पदकसहित ५ हजार रुपैयाँ प्रदान गरिएको थियो ।

Picture Courtesy: ourbiratnagar.net